Unsere Abteilungsleitung besteht zur Zeit aus folgenden Cevi-Mitglieder:
- Yaron Strebel v/o Lykos (Präsident)
- Florian Egger v/o Fuchur
- Claude Büsser v/o Turbo
- Sara Fink v/o Linnéa
- Jessica Giannice v/o Xenja
Philip Matter v/o Virus untersützt uns tatkräftig als unseren J+S Coach.
Die Abteilungsleitung ist stets bemüht, dass alles rund um den Cevi Dinhard reibungslos abläuft und ist als Kontaktperson bei allgemeinen Fragen immer frei verfügbar.
Sit wenn bisch ide Cevi Dinhard debi und bi wellere Gruppe hesch dezueghört?
- Sit 2019 bin ich i de Gruppe Gallardo.
Welli Ufgab hesch als AL?
- President, bin fürs werben und das Ceviinfo zuständig, probiere so guet wie möglich alles im Kopf z'behalten ;)
Welles isch dis Lieblingsesse überem Lagerfüür?
- Tüüfgfrürpizza
Was isch din beste Cevimoment gsi?
- Woni zum erschte mal im PfiLa richtig verregnet worde bin!
Was gfallt dir a de Cevi?
- S zeme bringe vo Natuur und schöne Begegnige.
Ohni was würdisch du nöd i es Cevilager reise?
- Ich wür nie d Powerbank vergesse, damit ich wenni Heiweh han jederziit mim Mami und em Goldfisch chan aalüte.
Was wird immer vergesse mitzneh imene Lager?
- Chappe gege en chüele Chopf ;)
Lieber Huus oder Zeltlager?
- Zeltlager beschte
En Funfact über dich?
- Ich warte sit mim erschte Cevi Weekend, dass de Turbo sini Wettschulde begliicht und mir s versprochene Trompeteventil mit iigraviertem Ceviname schenkt!
Sit wenn bisch ide Cevi Dinhard debi und bi wellere Gruppe hesch dezueghört?
- Ich bin sit 2019 i de Gruppe Gallardo. Zerst als Teilnehmer und sit 3 Jahr als Leiter.
Welli Ufgab hesch als AL?
- Als Abteiligleiter bin ich defür zueständig, zum dLeitergschenk organisiere und zeme mit em Lykos dCeviinfo zschriibe.
Welles isch dis Lieblingsesse überem Lagerfüür?
- Überem Lagerfüür iss ich am liebste Fondue mit Chicken Nuggets.
Was isch din beste Cevimoment gsi?
- Für mich sind Cevinamitäg und Lager immer es Highlight.
Was gfallt dir a de Cevi?
- A de Cevi gfallt mir, dass mer i de Natur mit anderne chan Ziit verbringe und zeme es tolls Ceviprogramm chan uf Bei stelle, wo Chind nöd so schnell vergesse werded.
Ohni was würdisch du nöd i es Cevilager reise?
- Ohni mis Cevihemd würdi nöd is Lager gah, well mer nach em Lager immer en coole Druck als Erinnerig uf em Hemd het.
Was wird immer vergesse mitzneh imene Lager?
- Meistens vergiss ichs, zum es Füürzüüg oder es Sackmesser mitzneh, zum Glück chan mer das aber immer vomene Chind uslehne.
Lieber Huus oder Zeltlager?
- Lieber Huuslager.
En Funfact über dich?
- Ich chan de Chind irgendwelche Seich verzelle wo sie mir meistens au abchaufed.
Sit wenn bisch ide Cevi Dinhard debi und bi wellere Gruppe hesch dezueghört?
- Luut DB sit em 14.6.2008, das fast 18 Jahr, oha...
Welli Ufgab hesch als AL?
- Ich pfleg echli s"Image" vode Dinharder Abteilig, d.h Kommunikation geg use, Gstaltig und Bricht + Fotografie.
Welles isch dis Lieblingsesse überem Lagerfüür?
- So en richtig guete Burger à la Virus-Orion :)
Was isch din beste Cevimoment gsi?
- Schwierig natürlich, einersiits: WS-Lager 2017, d'Taufi mitde Odella zeme, und de Dunnstigabig im HeLa 22, det hemmer Stadt, Land, Ceviname gspielt :) sehr hektisch, aber amüsant... andersiits wo mini Gruppe Alpha zu Leiter ufgstiege isch und jetzt selber eh Gruppe mit mir leitet.
Was gfallt dir a de Cevi?
- Dass Chinde fern vom Eltere Dasii mit Jugendliche im Wald oder Lager Ziit verbringe chönd, Sache lerned und debii viel Spass hend, Seich zmache. :)
Ohni was würdisch du nöd i es Cevilager reise?
- Eh Stirnlampe, ohni die sitzt mer recht schnell im Dunkle.
Lieber Huus oder Zeltlager?
- Beides natürli de Hammer, aber der Gemütlichkeitshalber scho s'Huus
En Funfact über dich?
- Mich het mer no nie mitem Avatar oder em Kolumbus ih eim Ruum gse, Zuefall?
Sit wenn bisch ide Cevi Dinhard debi und bi wellere Gruppe hesch dezueghört?
- Sit 2014, zerst bide Fröschli, denn bide Gruppe Chnopf und ezt bini Leiterin vo de Gruppe Pandora:)
Welli Ufgab hesch als AL?
- Ide Abteiligsleitig bini für de Elterekontakt, de Dateschutz und PSA (Prävention sexueller Ausbeutung) zueständig.
Welles isch dis Lieblingsesse überem Lagerfüür?
- Schlangebrot oder Gyros hani bsunders gern:)
Was gfallt dir a de Cevi?
- Bsunders gfallt mer d'Gmeinschaft- zäme öppis erlebe, spiele, lache und au mal über sich usewachse- dass mer immer chönd kreativ sii und au mal seich mache. Und ich finds lässig, dass mer ganz minimalistisch chönd eimaligi Sache erlebe und s'Handy sowie Sorge für en Moment vergessed.
Ohni was würdisch du nöd i es Cevilager reise?
- Adilette und Kuschelsocke - Aah, und ned z'vergesse: Handwärmer!!
Was wird immer vergesse mitzneh imene Lager?
- Sackmesser? Immer debi… nur halt so guet versorgt, dass ich’s erst dihei wieder finde.
Lieber Huus oder Zeltlager?
- Zeltlager findi immer lässig, will mer so unabhängig sind vo ÖV etc. aber je nach Wetter gfallt mer s'Lager im Huus besser.
En Funfact über dich?
- Ha immer im HeLa Geburtstag aber trotzdem muesi helfe abwäsche:(
Sit wenn bisch ide Cevi Dinhard debi und bi wellere Gruppe hesch dezueghört?
- Sit öppe 2008, det hani no zu de Gruppe Chnopf ghört, jetzt bini e Leiterin vo de coole Gruppe Anila :-)
Welli Ufgab hesch als AL?
- Ich bin vor Allem für d'Homepage zueständig und bearbeite die trockene Theme wie BSV.
Welles isch dis Lieblingsesse überem Lagerfüür?
- Ganz klar Baumstriezel und Cevihörnli miteme gwüsse Mass ah Cevigwürz.
Was isch din beste Cevimoment gsi?
- Es WS-Lager im 2017, a de Event hani paar bsundrigi Erinnerige (mit teils viel Turbulente). Mer het neui Lüüt us andere Abteilige kennelerne därfe, es Chuchi-Team, wo ich gsi bin, isch grandios gsi, de Basar isch legendär gsi, mer het ide Nacht de ganzi Sternehimmel samt Milchstrass chönne gseh und de grösst Hype vo Allne isch sowieso es Sternbildmemory gsi, wo all Leiter dra am verzwiefle gsi sind.
Was gfallt dir a de Cevi?
- Dass mer mal es Handy chann ufd Siite legge und die schön Natur mit Fründe und coole Erlebnis chann gnüsse.
Ohni was würdisch du nöd i es Cevilager reise?
- E chlini Portion a Nervenahrig :-)
Was wird immer vergesse mitzneh imene Lager?
- Nöd immer aber oft vergiss ich d'Huusschueh mitzneh imene Huuslager und denn wirds schnell chalt.
Lieber Huus oder Zeltlager?
- Han beides gern aber es Huuslager isch scho immer es Highlight vom Jahr.
En Funfact über dich?
- Mir isch kei Verkleidig z'peinlich! Es isch scho vorcho,dass ich im Einhorn-Kostüm go poste bin.
Willsch sust no öppis loswerde?
- Ich danke allne Leiter/Leiterinne für ihren grosse und supertolle Isatz für eusi Abteilig. Nur zemme schaffemer Grosses.
Sit wenn bisch ide Cevi Dinhard debi und bi wellere Gruppe hesch dezueghört?
- Januar 2005, damals hets ei einzigi Mannegruppe geh und die hemmer denn Orion tauft.
Welli Ufgab hesch ide Cevi Dinhard?
- J+S Coach in Lagersport/Trekking
Welles isch dis Lieblingsesse überem Lagerfüür?
- Burger mit Spiegelei und Speck
Was isch din beste Cevimoment gsi?
- Je länger dassi überlege, desto umfangriicher wird d uswahl. ;)
Was gfallt dir a de Cevi?
- De jugendlich Unfug wommer mitenand ide Natur chan zeme astelle und wasmer chan fürs Lebe lerne ide Bereich Natur, Pionier und Sozialem.
Ohni was würdisch du nöd i es Cevilager reise?
- D Gwüssheit dasses Kaffi git.
Was wird immer vergesse mitzneh imene Lager?
- Mer het ämel immer chöne improvisiere und suscht het d Post gholfe.
Lieber Huus oder Zeltlager?
- Zeltlager im Wald
